පාර දිගේ....

       නොදුටු ලෝකය

නේක විසිතුරු රටා විනිවිද
ගුවන් ගැඹයම නීල පැහැයලු
පොළෝ තලයේ කුසුඹ පමණකි
නැහැ දුටුවේ කිසිදු පැහැයක්
 
   සත්ත්‍ව ලෝකය මිනිස් ලෝකය
   කියා වෙන් කළ මුළු සමාජය
   පක්ෂ භේදලු පාට භේදලු
   නැහැ දුටුවෙහි එහි කිසිදු හරයක්

පාට ලෝකයේ රූ රටාවන්
දැකිය නොහැකි වූ දෙනෙත් යුවලක්
උරුම වූ දා අවිඳු අඳුරක්
නැහැ දුටුවෙහි එහි එළිය කවදත්
  
   උපන් දා සිට අඳුරු ලෝකයේ
   පාට කිසිවක් එහි නොවූයේ
   බැලු බැලූ තැන කාල වර්ණය
   මෙයද ලෝකයේ පැහැය වූයේ...