සිහිනය

මහා ඉහළින් කිරුලු පළදින්නට
උසස් රැකියාවක් කරන්නට
මිල මුදල් හෙම හම්බ කරනට
මටත් තිබුණා සිහිනයක්...
 

වරම් ලැබුණා සරසවියට
යෙදුවේ කාලය ඉගෙන ගැනුමට
ගෙවුණු ටික කාලෙට
ඉගෙන ගත්තා නොදුටු දහමක්...
 
යහලු යෙහෙලියෝ පිරිවරා ගෙන
මමත් හිටියා මහා ඉහළින්
නොකළ වරදට නොසිතු මොහොතක
වුණා සිරබත් මටත් කන්නට...
 
සුපිරි ගෙයකට සිහින මැවුවට
සිපිරි ගෙයි තුළ මසක් ගෙවුමට
ඇඳක් නැතුවම බිම නිදන්නට
හුරු වුණා මම නොබෝ කලෙකින්...
 
එළිය දැකුමට අවැසි වූවත්
අඳුර පමණකි ඉතිරි වූයේ
පිරිවරාගෙන හිටිය යහලුවෝ
කිසි කෙනෙක් අද ඇවිත් නෑනේ...

                                                                                                           චලනි ලක්ෂාණි

උන්මාද චිත්‍රා

            විළිරුදාවෙන් ඉකි බිදින හඬ
            දෙදර වූවා පොළෝ තලයම
           දරාගත නොහැකි ගින්දර
           ඉවසුවා පුත නුඹ නමින්
   
                  මගේ කුස තුළ ඔබේ ජීවය
                  දරා සිටියා  දස මසක්
                  ඔබ උපන් දා සිගිති දුවකගේ
                 මවක් වූවා මා එදා
 
    රාජ  සම්පත් ලැබුණු මා හට
   ඔබේ සියුමැලි සිනහ දැකුමට
   ඔබේ මොළකැටි වදන් ඇසුමට
   අහිමි කර දුන් සොහොයුරන්
  
              සොළොස් අවුරුදු ඉක්ම ගිය දා
              යුධ බිමේ ඔබේ සටන් පෙන්වා
             සතුරා පරදා ජය ලැබූ වග
             සැලකලා මැතිදුන් පුතේ


                                                                     චලනි ලක්ෂාණි